Проверете го наследникот на Winamp – WACUP

Повозрасните љубители на музиката, пријатно се сеќаваат на Winamp – единствената алатка која се користеше за репродукција на музички нумери, особено во деведесетите години. Иако пишувавме еднаш за носталгично слушање музика со WinАmp 5.8, овојпат го насочуваме вниманието на WACUP или the Winamp Community Update Project. На најновата верзија на Winamp напорно се работи и се планираат бројни модерни функции, но WACUP е целосно друга приказна. WACUP е верзија на Winamp која се развива од трети лица, a е заснована на старата 5.6666 верзија.

Од пред неколку месеци, добивме можност да ја провериме првата функционална верзија на оваа алатка. WACUP Preview верзијата 1.0.1.3276 е резултат на три годишна работа. Се одликува со бројни исправки како во стабилноста така и во безбедноста. Покрај подобри перформанси, WACUP нуди поддршка за Big Bento модерните скинови и плагини, како и подобрувања во лентата со команди и поддршката со медиа-форматите.

Преземете ја најновата верзија тука!