Поради COVID-19 едукацијата на ФИНКИ и во Карпош продолжува онлајн

Откако минатата недела образовниот процес „паузираше“ поради пандемијата, оваа недела ќе продолжи онлајн.

Пандемијата на коронавирусот мината недела ги затвори училиштата, средните школи и факултетите, но и покрај опасноста најголем дел од децата не беа во карантин. Со оглед на тоа дека барем во моментов кризата не изгледа дека ќе заврши за кратко време, најголем дел од образовните институции бараат нов начин за продолжување на наставата. Прв избор се чини дека ќе биде онлајн наставата, но и дел едукативните програми кои бидат достапни преку традиционалните медиуми како телевизијата.

ФИНКИ со платформа за учење на далечина

Факултетот за информациски технологии и комуникација – ФИНКИ, минатата недела започна со „далечинско учење“. Факултетот на 13-ти го имаше првиот тест час со студенти, и првата седница на наставно-научниот совет на ФИНКИ преку платформата за теле-конференции, пренесе Факултети.мк.

Првите тестови се охрабрувачки, и наставата ќе продолжи оваа недела. Дел од студентите веќе се изјасниле дека овој метод на настава го претпочитаат пред традиционалниот. ФИНКИ веќе се подготвуваше да го имплементира овој метод, но вирусот сега го направи неопходен.

Продолжуваме со експериментални часови во разни околности и обем, оптимизации на платформата, усовршување на упатствата и очекуваме формално со сите часови да почнеме од вторник, точно една недела по прекинот на наставата поради епидемијата на коронавирусот Ковид-19, вели деканот на ФИНКИ, проф. д-р Иван Чорбев.

Дигитална платформа за 9-то одделенците во Карпош

Во слична насока е и размислувањето на Општина Карпош. Општината во соработка со Министерството за образование и наука и Бирото за развој на работи на платформа за надоместување на изгубениот наставен материјал преку посебна дигитална платформа. Платформата првенствено ќе биде наменета за учениците во деветто одделение

Намерата е да се прикачуваат содржини кои би се изучувале во овој период од годината согласно наставните програми, но и да се креира двонасочна комуникација со учениците, да се мотивираат за овој начин на настава, се вели во соопштението, вели градоначалникот Стефан Богоев.

За денес е закажана работна средба помеѓу 10-те училишта во Карпош со Општината. На средбата е предвидено презентација на платформата.

Предлози на Министерството за образование

На 13-ти март и Министерството за образование излезе со листа предлози за продолжување на едукативниот процес во овој тежок период.

Покрај советот за родителите да ги следат содржините и да им помагаат на децата на страницата на министерството има и препораки за содржина за учење за различни области.

Содржините кои се споделени се на македонски, албански, турски, босански јазик. Има содежини за учење математика, странски јазици, различни курсеви за кои главно е потребно претходно познавање на јазиците на кои курсевите се одржуваат или барем има превод на овие јазици.

Самоорганизација на граѓаните

Дел од граѓаните преку друштвените мрежи се организираат за продолжување на образовниот процес во период на изолација. Документот на кој работат Божидар Спировски и @r0b0tn1k веќе има 12 страни предлози и објаснување за предностите и недостатоци од истите.

На листата се достапни навистина многу платформи и технологии, од Viber и Skype, до видео-конференциски сервиси како Zoom.

Што ние ви предлагаме

Ако знаете англиски и сакате да научите да програмирате, тогаш ви предлагаме некој од курсевите во овој текст. Курсевите се бесплатни и што е најважно многу квалитетни и ако ја следите содржината набрзина ќе може да научите основи на кодирање. Но што ако не знаете англиски?

Во овој случај и за сите почетници сакаме да ве потсетиме на видео туторијалите на Никола Ѓоргиев за основи на C# програмирање.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии