Ретко која игра успеја да го ревитализира survival хорор жанрот до толкав степен како Dead Space. 2008 година остана запаметена по исклучително квалитетен наслов кој на мајсторски начин комбинираше хорор и акција во sci-fi опкружување. Поради ова, продолжетокот беше повеќе од загарантиран и, иако двојката не ги разочара фановите, тројката потфрли во многу аспекти, a и беше една од првите игри кои воведоа микро трансакции во кампањата за еден играч.
Она што сакаме да ви кажеме е дека денот на вљубените не е единствената работа поради која треба да сте возбудени денеска и доколку се упатите на сајтот на Ориџин бесплатно ќе можете да ја преземете и играте Dead Space колку што ви сака срцето.
Трите Dead Rising игри нѝ доаѓаат од сега-распуштените Visceral Games. Visceral Games постоеше уште од 1998 година и навлегоа на сцената со Future Cop: LAPD. Тимот е познат по исклучително квалитетните James Bond игри, The Godfather , Dante’s Inferno и судбоносната Battlefield Hardline.
Dead Space е дел од привремената промотивна кампања на Origin, On the House и би требало да е бесплатна барем еден месец. Но, вие не чекајте толку! :)
Патем, дали знаевте дека за Dead Space има и две исклучително добри книги? Дознајте за овие и многу други преку нашиот извештај за книги базирани на видео игри!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
