Зошто компаниите не смеат да ги игнорираат потрошувачите

„Денес, тие [потрошувачите] се уште им кажуваат на пријателите, но тие тоа го прават онлајн, користејќи друштвени веб сајтови како YouTube, Facebook и Twitter.“ пишува Тим Вебер од BBC.

Поентата е што денес сите ние ќе го споделиме потрошувачкото искуство на друштвените мрежи. Можеби ќе му се обратиме на најблискиот пријател, но ако е на Facebook тоа ќе го прочитаат сите стотина пријатели. Ако е на Twitter тоа ќе го прочитаат сите и ќе се ретвита и може дури и да си добие свој сопствен таг, пример, омилениот за македонски корисници – #mkfail. Тоа за компаниите значи критика не само од еден клиент, туку и негативна репутација од многу други.

Примерот кој BBC го користи е приказната на канадскиот пејач Дејв Керол чија 3.200 вредна гитара била оштетена додека патувал со United Airlines. Компанијата одбила да му надокнади, но и се однесувала безобразно со него. Затоа г. Керол изреволтиран во јуни 2009 година објавува YouTube музичко видео во која ја исмејува United Airlines. Иако е тоа индивидуален инцидент од пред една година сепак денес тоа видео е видено над 9.3 милиони пати. Тоа се 9.3 милиони критики кон United Airlines.

„Денеска еден интересен твит, еден паметен блог пост или едно разурнувачко видео – испратено кон илјадници пријатели со еден клик на глувчето – може да уништи продукт или да наштети на цената на акциите на компанијата. Ова е драматична промена на потрошувачката моќ. Но што ако компаниите можат да ја искористат оваа моќ и да ја свртат во своја корист.“ пишува BBC.

Текстот е доста интересен за читање, изобилува со примери за ефектот на друштвени кампањи и критики стартувани против компаниите, како на пример лажниот Twitter профилот @BPGlobalPR кој има над 180.000 следбеници, а чија цел е да ја исмее BP заради истекувањето на нафта во Мексичкиот залив.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии