Идејата за креирање на подобра и поубава верзија на Android преку создавањето на Cyanogen заврши. Од компанијата најавија дека на 31 декември завршува поддршката за „custom“ сервисите. Истовремено ова е крај и за „nightly builds“, кои повеќе нема да бидат развивани.
Телефоните кои доаѓаат со Cyanogen OS, пример OnePlus, ќе бидат префрлени на CyanogenMod ROM, јави TechCrunch. CyanogenMod не е комерцијален производ и го одржуваат ентузијасти под водство на Стив Клондик.
Со ова завршува обидот на Cyanogen да ја надмине Android оперативната верзија на Google. Новиот правец на она што останува од компанијата ќе биде отворениот код. Lineage OS е новиот огранок на компанијата и според првите најави тоа ќе биде иднината. Повеќе вести за промените од Lineage OS се најавени за вторник.
„Па да, ова сме ние. Lineage OS ќе биде продолжение на она што беше CyanogenMod. Да го цитираме Енди Рубин, ова е дефиниција за отворено. Ако компанијата престанува со поддршка за проект со отворен код тоа не значи дека проектот треба да заврши.“, вели соопштението на веб-страницата на Lineage OS.
Повеќе податоци за судбината на Cyanogen наскоро. Иако за Lineage OS ќе имаме повеќе податоци веќе утре, за крајот на сервисите и нивното влијание ќе почекаме до 1.јануари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
