За бескаматните кредити не се потребни шалтери, сите документи се достапни онлајн

Пред неколку дена Владата донесе сет економски мерки со цел да ја поткрепи економијата во време на пандемијата на COVID-19, каде што многу бизниси, особено оние од секторот угостителство, транспорт и туризам бележат големи загуби од причина што или не работат, или пак движењето на потрошувачите е ограничено или строго претпазливо.

Мерките беа најавени од страна на економскиот тим на Владата и имаат цел обезбедување на поддршка за ликвидоста на компаниите со ограничување на микро, мали и средни компании. Мерките значат давање на бескаматни кредити со грејс период од 6 месеци и рок на враќање од 2 години. Износот на кредитот е одреден зависно од бројот на вработени и може да биде од 3 до 30 илјади евра. Микро-компаниите до 10 вработени ќе можат да подигнат кредит од 3 до 5 илјади евра, малите фирми од 10 до 50 вработени ќе можат да подигнат кредит од од 10 до 15 илјади евра, а средните компании од 50 до 250 вработени ќе можат да подигнат кредит од 15 до 30 илјади евра.

Откако започна апликацијата за кредитите, голем дел од медиумите објавија за гужви и непочитување на препораките за држење на дистанца во седиштето на УЈП, каде што претприемачите и нивните сметководители и вработени чекаат на ред ги извадат потребните документи како потврда за платен данок и слично на шалтерите на УЈП, документи кои им се потребни за аплицирање на бескаматните кредити. Голем дел граѓани веднаш го критикуваа овој чекор на Владата информирајќи дека процесот на аплицирање на бескаматните кредити создава ризик по јавното здравје.

Чекањето на шалтери и создавање гужва во институции во никој случај не е препорачливо во време на пандемијата со коронавирусот чија преносливост е исклучиво голема, па така денеска овој мит беше побиен од страна на министерката за финансии Нина Ангеловска, која на својот Facebook профил објави дека апликацијата за бескаматниот кредит може да се изведе исклучиво онлајн, а документите може да се приберат на следниве начини:

💻 Централен регистар:

📄 тековна состојба,
📄 листинг од обработена годишна сметка / завршна сметка за фискалната 2019 година,
📄 потврда за стечајна постапка,
📄 потврда за ликвидациона постапка ➡️ https://www.crm.com.mk/CRIS/.


◾️ Kорисниците на Интернет Дистрибутивниот систем можат да ги извадат преку својот профил.
📄 ЗП образец ➡️ https://www.crm.com.mk/DS/download/Registers_document_forms/Obrasci_za_upis/Elektronsko_popolnuvanje/ZPe.pdf.


💻 Управа за јавни приходи:

📄 уверение за платени даноци и придонеси ➡️ https://etax-fl.ujp.gov.mk/


💻 Развојна банка:
📄 апликации ➡️ [email protected]
📄 јавен повик ➡️ www.mbdp.com.mk

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии