Windows 10 наскоро ќе добие редизајн

Се чини дека на корисничкиот интерфејс на Windows 10 му е дојдено време за редизајн. Microsoft го потврди Project Neon, кој најверојатно ќе биде достапен со Redstone 3 надградбата.

Project Neon ќе овозможи поубав изглед на сите Windows 10 уреди. Windows 10 Mobile, HoloLens па и Xbox ќе можат да го користат новото API, јави WindowsCentral. Microsoft сака да им овозможи на девелоперите да креираат поубави апликации за Windows 10,  но и да го поeдностави целиот процес.

Project Neon ќе се однесува на анимација и транзиција помеѓу апликациите и оперативниот систем. Надградбата ќе треба да овозможи подобро корисничко искуство. Дел од можностите на Project Neon се достапни во актуелната preview верзија на оперативниот систем.

Новиот preview за Windows 10 излезе оваа недела и доаѓа со: Compact Overlay мод, Dynamic Lock, и подобрена поддршка за Game Bar, јави Venture Beat. Compact Overlay модот ќе овозможи фокусирање на апликацијата. Прозорецот на селектираната апликација ќе остане над се друго и ќе биде постојано видлив.

Dynamic Lock е нов начин за отклучување на комјутерите. Оперативниот систем ќе може да детектира кога телефонот е во близина и да го отклучи компјутерот. За ова е потребно телефонот преку Bluetooth да биде впарен со компјутерот. Последната надградба се однесува на Game Bar која сега има поддршка за 52 нови игри.

Повеќе податоци за најновата 15025 preview верзија на Windows 10, може да прочитате на блогот на Windows.

https://youtu.be/zdJBurRbT4o