Возилата кои се отклучуваат без клуч не се безбедни колку што веруваме

Дејан Соколоски

во Вести

Стотици различни модели на возила кои корисникот може да ги отклучи само со близина на клучот се подложни на кражба. Ford Fiesta, Volkswagen Golf, Nissan Qashqai и Ford Focus се подложни на овие напади.

Овие возила се отклучуваат автоматски кога клучот е во близина и корисникот ќе ја потегне кваката. General German Automobile Club анализираше 237 возила без клучеви и сите освен 3 се подложни на напади, пренесе BBC. Единствените три безбедни возила ги произведува Jaguar Land Rover, и се Discovery, Range Rover и I-Pace.

Крадците на автомобили користат електронски уреди, своевиден калауз за овие возила, кои ги залажуваат возилата дека клучот е во близна. Кражбата на возила во Велика Британија е помала денес отколку во 1990 година. Сепак последните години е во пораст, а експертите сметаат дека причината за ова се проблемите со безжичното отклучување.

„Новите возила се побезбедни од било кога. Новата технологија помага да се намалат кражбите. Помалку од 0,3% од возилата се крадат. Криминалците постојано ќе бараат нови начини за кражба на возила; ова е постојана борба и главна причина зошто производителите инвестираат милијарди за пософистицирани безбедносни решенија“, вели Мајк Хокс претставник на Здружението на производители на моторни возила.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии