VoLTE пристига и за корисниците на Македонски Телеком

Одлична вест за корисниците на Македонски Телеком. Операторот ја додаде услугата VoLTE и неговите корисници сега може да ја користат за воспоставување на аудио повици преку LTE мрежата.

Предностите на VoLTE се значителни, од подобар квалитет на звук и побрзо воспоставување на повици, до можност за истовремени телефонски разговори и 4G-сурфање на интернет.

Со ова двата мобили оператори А1 Македонија и Македонски Телеком им ја нудат оваа услуга на своите корисници. VoLTE е достапен за постпејд корисниците на A1 Македонија за сите кои имаат соодветен уред. Веројатно најголем недостаток засега е ограничувањето на бројот на уреди на кој VoLTE е достапен. Кај Македонски Телеком услугата е достапна на Samsung S9 и Samsung S9+. Кај А1 тоа се Samsung Galaxy S9 и S10. Двата оператори најавуваат дека наскоро на оваа листа ќе пристигнат и други уреди.

VoLTE е стандард за брза безжична комуникација, генерално е корисна за паметни телефони, но и за сите слични уреди, од преносни компјутери до интернет на нештата. Она што го овозможува е проток на глас, како податок низ LTE мрежата. Со ова во некоја подалечна иднина ќе биде овозможено целосно отстранување на мрежата за стандардни телефонски разговори.

За тоа што е овозможува новата услуга VoLTE наскоро ќе објавиме и поопширен текст.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии