Владата со јавен повик за првиот дигитален асистент

Македонската влада распиша јавен повик за креирање на дигитален асистент базиран на вештачка интелигенција. Граѓаните ќе можат да му пристапат на системот на својот мајчин јазик и преку некоја од популарните платформи за текст разговор Facebook Messenger, Viber или преку веб-платформа.

Асистентот треба да помогне граѓаните побрзо и во секое време да добијат пристап до различни информации. Истовремено асистентот ќе треба со помош на вештачката интелигенција да предвиди и да понуди персонализирани препораки за секој корисник на услугата. Со оглед на тоа дека одговорите ќе пристигаат од „компјутер“ граѓаните ќе можат да се обратат во секое време и да добијат корисна информација во било кое време.

Дел од услугите кои граѓаните ќе можат да ги побараат од асистентот се: пристап до податоци од јавен карактер; online поднесување на барање за приговор; online доставување на образец.

Асистентот ќе треба да ги замени луѓето во рутинските задачи, но и да овозможи лесна комуникација со човечки агент кога вештачката интелигенција нема да може да пронајде соодветно решение.

Несомнено исклучувањето на шалтери кога тоа е можно, можноста за дигитално вадење на документи и постојана пристапност е добредојдена за сите. Дополнително дигиталниот асистент би требало да ги намали трошоците за обезбедување на услуга. Дел од барањата за изработка на асистентот е и можноста за обраќање на мајчин јазик на секој кој пристапува на системот.

Повеќе информации за асистентот, но и за повикот може да пронајдете на страницата на Фондот за иновации и технолошки развој.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии