Вештачката интелигенција може да го идентификува коронавирусот 2019-nCoV

Вештачка интелигенција развиена во истражувачкиот институт на Alibaba може да препознае заразени од коронавирусот 2019-nCoV со точност од 96 отсто.

Дијагнозата се прави со помош на алгоритам кој анализира слики направени со компјутерска томографија, вели Nikkei Asian Review. Вештачката интелигенција е тренирана со слики од 5000 потврдени случаи на коронавирус и може да направи разлика помеѓу овој вирус и вирусна пневмонија. Алгоритамот може значително да помогне со бројот на пациенти во болниците. Дијагностицирањето е за само 20 секунди, во споредба со лекарите на кој за анализа на скеновите им се потребни помеѓу 5 и 15 минути.

Системот за дијагностицирање на коронавирусот со помош на вештачка интелигенција првпат е инсталиран во болницата во Женгжу во провинцијата Хенан.

Напредокот во дијагностиката и вакцините кога ќе бидат достапни ќе бидат одлична вест и за индустријата и за ит-секторот кои се погодени од епидемијата.

Само оваа недела се откажани куп настани, а дел од компаниите го повлекуваат своето учество од конференциите. Минатата недела ова беше случај со Mobile World Congress. Настанот поради епидемијата нема да се одржи оваа година. Жртва на епидемијата е и Game Development Conference која по откажувањето на Microsoft, Sony и Epic е откажана, а оваа година нема да се одржи ни конференцијата F8 на Facebook. Google I/O го откажа делот кој се одржува во живо и настанот ќе има единствено онлајн презентации.

Засега нема најава за одложување на SXSW конференцијата, но Facebook и Twitter веќе се повлекоа од настанот. Дополнително Twitter на 4200 вработени им препорача да не доаѓаат во канцелариите и да работат од дома. Apple пак го прошири ограничувањето на службени патувањата на своите вработени во Италија и Јужна Кореја.

Како последица на затворањето на дел од производните постројки во Кина ќе има застој и доцнење на производите. На пример поради затворањето на Foxconn и Pegatron ќе доцнат испораките на iPhone и AirPods. За Facebook е забавено производството на Oculus VR и компанијата засега ги стопира нарачките за најновата верзија. Излегувањето на Oculus Quest најпрво беше презакажано од почетокот на февруари за 10 март, за сега да биде поместено за 21 мај. Ќе доцнат и испораките на најголемите кинески производители на паметни телефони Huawei, Xiaomi, Lenovo и Oppo.

AliExpress во Facebook-пост ги предупреди купувачите дека поради коронавирусот веројатно ќе има проблеми со доцнење на порачките.

Missing your AliExpress package

We are working hard to get your parcels delivered, but there may be some delays due to Coronavirus. WHO guidance states that parcels are safe from Coronavirus, but some shipping and logistics are experiencing longer waiting times for processing orders.Thanks for your patience and rest assured, we will get your parcel to you as soon as possible! 📦 AliExpress team ❤️

Gepostet von AliExpress am Montag, 2. März 2020

Добра вест, ако воопшто може да се каже дека има таква, е дека засега во Македонија има само еден потврден случај на коронавирус и засега болеста е под контрола.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии