Веб сајт кој ќе ви каже колку денови ќе издржите со вашата тоалетна хартија

Следниот веб сајт е доказ дека има веб сајт за апсолутно сè.

Претпоставуваме дека се имате изначитано и изнагледано за тоа како се откопуваат ратни секири поради недостаток на тоалетна хартија низ светот. Многу луѓе почнаа да се шегуваат на сметка на само-наметнатиот феномен и да ја користат тоалетната хартија како платежна валута.

How much toilet paper? е веб сајт кој ви кажува колку тоалетна хартија ви треба за да ја преживеете пандемијата. Верувајте нѝ, би сакале да се шегуваме. Ова е веб сајт каде избирате колку ролни имате и колку пати дневно го користите тоалетот за да се пресмета колку ќе трае драгоцената намирница. Па така, пет ролни тоалет и една посета дневно, ви дозволува да спиете мирно цели 80 денови или 571% од вашиот карантин.

Имате и напредни опции. Ве молиме не кликнувајте на напредните опции, ниту пак читајте што се наоѓа во нив. Во напредните опции можете да изберете колку пати се бришете по завршената физиолошка потреба, колку ливчиња користите, колку има во една ролна, колку луѓе има во куќата (колку се тие расфрлаат) и колку денови планирате карантинот да трае.

Да, има веб сајт за апсолутно сè.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии