СЗО, Microsoft, Facebook со хакатон против Ковид-19

Најголемите технички компании и Светската здравствена организација организираат хакатон на кој ќе се бараат решенија за предизвиците на светската пандемија. Поддршка на хакатонот му дадоа и Twitter, WeChat, TikTok, Pinteres, Slack и Giphy.

Хакатонот од денес ќе биде отворен за пријави на проекти за учество, а веќе се отворени регистрациите. Проектите може да се испратат најдоцна до понеделник.

На веб-страницата на хакатонот, се објавени и неколку насоки и области за проекти кои се од интерес:

  • Здравство: Решете и скалирајте решенија за здравствениот сектор, вклучително и превентива / хигиена (особено за земји со ризична популација); поддршка на здравствените работници; скалирање на медицина на далечина, стратегии за следење на контакти / изолација, развој на третман и дијагностицирање.
  • Ранливо население: Збир на проблеми со кои се соочуваат постарите лица и лицата со нарушен имунитет, пример пристап до оброци и намирници и поддршка на оние кои ја губат работа и приходите.
  • Бизнис: Збир на проблеми со кои се соочува бизнисот за да не пропадне, ефикасна соработка, преместување на делови од бизнисот онлајн.
  • Заедница: Промовирање на поврзаност со пријателите, семејството и соседите за борба против социјалната изолација и дигитализацијата на јавните услуги за локалната самоуправа.
  • Образование: Алтернативни средини за учење и алатки за ученици, наставници и училишни системи.
  • Забава: Алтернативи на традиционалните форми на забава што можат да ги одржат талентот и публиката безбедни и здрави.
  • Останато: Горенаведените теми се само предлози. Слободно бидете креативни!

Краен рок за пријавување на проектите е 30 март, а на 3 април треба да бидат објавени и најдобрите проекти.

За дополнителни информации посетете ја страницата на хакатонот.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии