Stillfront Group го купи хрватскиот издавач на видеоигри Nanobit за повеќе од 148 милиони долари

Дејан Соколоски

во Вести

Шведската компанија Stillfront Group ќе оддели над 148 милиони долари за хрватскиот издавач на видеоигри Nanobit. Nanobit е еден од водечките издавачи на видеоигри за игри за мобилни во регионот. Покрај издавањето компанијата развива и сопствени видеоигри.

Студиото досега има издадено 29 наслови; 10 апликации и 19 видеоигри. Компанијата се фокусира на RPG видеоигри со фокус на жените гејмери, вели Digital Spoiler. Апликациите и видеоигрите на Nanobit имаат над 145 милиони преземања.

Nanobit е основан од Алан Сумина и Зоран Вучиниќ. Во првата трансакција основачите ќе добијат 70 милиони долари во кеш и 30 милиони долари во акции. Со ова Stillfront Group ќе добије удел од 78 отсто во хрватскиот девелопер. По ова во 2021 и 2022 ќе ги купат и преостанатите акции од компанијата.

„Индустријата за мобилни игри брзо расте и станува глобална. Ако сакаме да останеме број 1, мора да одиме напред. Со влегувањето во групата Stillfront, Nanobit добива дополнителен двигател, што ќе ни овозможи понатаму да растеме и развиваме нови амбициозни планови и проекти. Како дел од Stillfront со нетрпение очекуваме да соработуваме со други успешни студија. Ова дополнително ќе го забрза растот на Nanobit и на Stillfront Group, a нашите вработени ќе имаат можност да соработуваат со светските пионери“, велат Алан Сумина и Зоран Вучиниќ.

Stillfront е водечка компанија за бесплатни видеоигри за мобилни уреди. Во нивна сопственост се 14 студија кои работат на различни наслови.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии