Steam Game Festival нуди над 900 бесплатни демо игри

По едно одложување, Steam Game Festival конечно е тука и стотици и стотици демо игри. Доколку нас нè слушате, веднаш кликнете на горниот линк и започнете со преземање и проверка на дел од она што би можело да нè очекува во иднина.

Демо игрите се уредно подредени во соодветни категории и можете да се втурнете во акциони или авантуристички сесии, да го проверите најновото во поглед на стратегии, симулации или RPG игри, како и да се замислите со некоја загатка или забавите со некој платформер. Никако не се запоставени љубителите на спортски игри, хорор искуства, или визуелни новели. Скролнете подолу и ќе видите интересни и дополнителни категории и во поглед на теми.

Во меѓувреме, постојано се организираат најразлични настани каде девелопери зборуваат и ги прикажуваат нивните игри, даваат интевјуа и многу повеќе. За да не ги пропуштите оние настани во живо за кои сте заинтересирани, можете да поставите и потсетник кој ќе ви дојде преку имејл, Steam апликацијата, или соодветен календар.

Единствена забелешка која ја упатуваме кон настанот е тоа што е исклучително краток и едноставно не е можно правилно да се провери сè што би можело да нè интересира. По 22 јуни, се очекува сите демо игри да станат неигриви.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии