Средношколци ги освоија наградите на јубилејниот петти NASA Space Apps Challenge

Минатиот викенд по петти пат се одржа NASA Space Apps Challenge. Настанот вообичаено изобилува со програмери, инженери, дизајнери, истражувачи, иноватори и претприемачи, но овој пат доминираа средношколци. Добитници на наградите се тимовите Swift, Delta и Numero Uno.

Тимот Swift креираше решение кое ќе помогне во оптимизација на работата на соларните панели. Решението овозможува прибирање на податоци од соларни сензори и нивно искористување за предвидување на искористеноста на идни соларни панели.

Решението кое го изработи Delta, ќе помогне во детекцијата и пријавувањето на пожарите. Раното детектирање и пријавување на пожар е клучно за навремено гасење. Со платформата на Delta, пожарот може да го пријават и случајни минувачи.

Добитник на наградата од публиката е тимот на Numero Uno. Тие изработија видео во кое ги презентираа убавините на планетата Земја.

Организатор на натпреварот и оваа година е акцелераторот NewMan’s Business. Овојпат ги поддржаа Goldilocks State фондацијата и Американска амбасада во Скопје, Vip, ТАВ ИТ, Netcetera, FX3X, АЕК, ФИНКИ, ФЕИТ, Горска Вода, Везе Шари, Жито Лукс и Red Bull, како и Претседателот на Република Македонија.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии