Спакувајте ги куферите, првата база на Месечината ќе биде испринтана

Американската администрација за аеронаутика и вселена, што ја знаеме како NASA, Европската вселенска агенција (ESA) и повеќе претприемачи сметаат дека почетоците на колонизирањето на вселената се поврзани со 3Д принтањето. Принтање на големи објекти во кои се вклучени и објекти за живеење не се новост на Земјата, но веќе има неколку експерименти и тестови кои ја тестираат технологијата во Вселената. По тестовите на астероиди, NASA заклучи дека технологијата е доволно блиску до пресвртница и започнаа соработка со Made in Space на проектот Archinaut, јави Discover.

Archinaut треба за неколку години да креира делови за сателит во Вселената. Проектот е огромен, па соработката на неколкуте агенции и компании како Oceaneering Space Systems, Made in Space и Northrup Grumman не е изненадување. Идејата е да се направи 3Д принтер кој ќе користи роботска рака самостојно да креира делови за вселенски летала во орбита во 2018 година.

3d-print-satelite-boom

Неодамна Planetary Resources успеја за прв пат да креира 3Д отпечаток изработен од делови од астероиди. Токму ова е една од идеите – живеалиштата на Месечината да бидат изработени од материјали кои се наоѓаат таму. Коорпорацијата Shimizu веќе размислува на првата база на Месечината.

lunar-base

Прокетот Mars Ice House оди чекор понатаму и предвидува 3Д печатење на живеалишта на Марс од мраз. Овие живеалишта не само што ќе овозможат безбеден простор на планетата, туку ќе овозможат и заштита од радијација.

1 коментар на “Спакувајте ги куферите, првата база на Месечината ќе биде испринтана

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии