Следува проект „Таблет компјутер за секое дете“?

Владата рaзмислува да набави 300.000 таблет компјутери за училиштата, дозна Нова Македонија, а потврди министерот за образование Панче Кралев. Овој проект се планира за 2015 година, а причината за користење таблет компјутери е да се избегне оштетувањето на сегашнава опрема.

„Ова се прави, како што дознаваме, поради тоа што за штетите направени со сегашната компјутерска опрема (дел од проектот „Компјутер за секое дете“), не може да одговараат учениците. Оттука, кога секој ученик би имал таблет, тогаш за него би се задолжиле неговите родители, а тој ќе мора да го чува овој уред што ќе го користи на часовите. “

Според министерот Кралев, таблет компјутер би чинел два пати поефтино од PC-jaта, но додава дека „ова засега е само план“ за кој е потребно подетални анализи за да се види дали може да се реализира.

Интересно, иако таблет компјутер е неизбежно нешто во иднината, сепак треба да се запрашаме дали е можно да се спроведува соодветна настава со нив. Таблет компјутерите би работеле на слободниот Android и за нив би требало да се креираат соодветни апликации кои ќе бидат синхронизирани со веб сервиси. Тие апликации би требале да понудат книги за читање со интерфејс за пишување, што, доколку се работи за посложени задачи, ќе биде проблем да се направат преку таблет. Поради таа причина и уникатноста на таблет компјутерите, би требало да се смени добар дел од наставната програма за да одговора со алатките.

Што е со скршените и украдените компјутери?

Интересно, министерот Кралев и Министерството за информатичко општество не можеа да дадат конкретен одговор на Нова Македониа за штетите направени на постоечките компјутери и тие што се украдени. До сега има украдени стотици лаптопи од училиштето. Еве листа до 11 февруари што ја направивме, а тука ќе ги најдете и сите останати извештаи за кражби од училиштата.

МИОА вели дека тие само ги купиле компјутерите и тие се одговорност на Министерството за образование, додека од МОН велат дека има извештај, но се чека да се усвои на владина седница пред да биде објавен во јавноста.

Нова Македонија пушува дека досега се поднесени вкупно 10 вакви кривични пријави за директори на училишта од каде се украдени компјутери и „поднесени се и други 50 барања за прекршочна постапка оти не се користеле компјутерите во наставата. Набавката на уреди од овој проект почна во 2007 година, а државата ја чинеше околу 60 милиони евра. Само изработката на проектната документација чинеше 500.000 евра“.