Израелскиот стартап RealFace кој работи на технологија за препознавање на ликови, стана дел од Apple. Стартапот е основан во 2014 година и работи на технологија со која се препознава ликот. Оваа технологија може да се користи за биометриско логирање.
RealFace е помала компанија со околу 10 вработени. Досега компанијата собра 1 милион долари, а работеа на повеќе пазари во Европа, како и во САД, Кина и Израел. Цената која Apple ја плати за RealFace е неколку милиони долари, јави Times of Israel.
Стартапот е креатор на Pickeez апликацијата која овозможува автоматски избор на најдобрите фотографии, од повеќе платформи. Сервисот веќе овозможува авторизација на корисници за апликации. Засега е нејасно како Apple ќе ја користи технологијата. MacRumors шпекулира дека веќе следниот модел iPhone 8 ќе го замени Touch ID со 3Д ласерски скенер.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
