Што ќе најдете во надополнувањето за No Man’s Sky

No Man’s Sky располагаше со серија од најагресивно рекламирање и промовираше едно чудо новитети и револуционерни промени во гејмерски жанр. Конечниот производ, меѓутоа, беше крајно разочарувачки. Половина од елементите кои беа ветени ги немаше никаде, а другата половина не беше ни приближно добро реализирана. Изминатава година, авторите напорно работеа на надополнувања и пробаа да ги задоволат фановите со содржителни закрпи и новитети но, и покрај тоа, No Man’s Sky и понатаму се давеше на Steam со само 30% позитивни рецензии.

Работите, по се изгледа, се менуваат.

Во последните 30 дена, No Man’s Sky се одликува со 75% позитивни рецензии и може да се забележи дека огромниот труд кој се вложи по излегувањето на играта конечно се исплати.

Најдоброто од сево ова е тоа што Hello Games не планираат тука да застанат.

Најновото надополнување, Atlas Rises, е излезено и, меѓу другото, воведува триесеттина часа нова приказна и „ограничен“ онлајн ко-оп режим на играње.

Под 30 часа од „нови содржини во приказната“ се мисли на појавување на нова мистериозна и Интер димензионална вонземна раса, користење портали за брзи премини од една до друга планета и ограничена можност за ко-оп каде до 16 играчи можат да се видат едни со други и да навлезат во меѓусебна комуникација. Играчите се прикажани како лебдечки сфери, а интеракцијата е крајно ограничена, но од Hello Games велат дека и ова е важен прв чекор во синхронизираниот ко-оп свет на No Man’s Sky.

Atlas Rises го подобрува и автоматското снаоѓање во просторот, како и системот за тргување. Покрај ова, играчите можат да очекуваат и визуелни надградби, особено во поглед на текстурите.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии