Сега и Facebook Messenger има конференциски видео разговори

Сервисот за пораки на најголемата друштвена мрежа Facebook е најновата платформа која додаде можост за конференциски видео разговор.

Сервисот овозможува разговор за до 50 учесници. Видео разговорите се „поделени“ на два дела: помалку од шест учесници и над шест учесници. Иако функционалноста е идентична, изгледот се разликува. Со помалку од шест учесници во видео разговорите активни се сите камери и може да се гледаат сите учесници. Над шест учесници активна е единствено камерата на „доминантниот“ говорник.

Остатокот од Messenger останува ист, корисниците можат да додаваат емотикони, налепници и анимации. Дополнително корисниците можат да вметнат „маски“ во видеата кои се своевидна проширена реалност во разговорот.

Видео разговорите на Messenger доаѓаат во вистинско време за новогодишните празници, па сега може да им честитате на пријателите и роднините во живо и очи в очи.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии