Се продаваат Covid-19 вакцини на dark web

Мартин Јованчевски

во Вести

Според безбедносната фирма Check Point, само во последните три месеци бројот на огласи за Covid-19 вакцини се има зголемено за 300%.

На dark web се продаваат вакцини на АстраЗенека, Спутник, Синофарм, или Џонсон и Џонсон, а нивната цена се движи од 500 до 750 долари. Анонимните продавачи се од Америка, Шпанија, Германија, Франција, и Русија. Еден од огласите кој може да се најде на dark web ветува достава во САД за само еден ден и експресна достава низ целиот свет.

Вакцини не се единствените „добра“ кои се нудат на dark web. Напротив, во највеќе се продаваат и „пасоши“ кои тврдат дека луѓето се вакцинирани, како и лажни негативни тестови.

Еден оглас го нуди следново:

„Правиме негативни Covid тестови за сите оние кои патуваат во странство, бараат работа, и слично. Купете два негативни тестови и добијте го третиот бесплатно!“

Безбедносната компанијата Check Point, која го истражува случајот уште при крајот на 2020 година, објаснува дека имање каква било работа на dark web за вакви „услуги“ е екстремно ризично, додавајќи дека примарната цел на ваквите продавачи, кои многу лесно можат и да се хакери или измамници, е да дојдат до вашите пари. За потребите на истражувањето, Check Point имаат купено Синофарм вакцина за 750 долари, но истата сеуште не е пристигната и се смета дека лицето не е ништо повеќе од измамник.

Многу повеќе од извештајот, заедно со бројни огласи кои циркулираат на dark web, можете да пронајдете тука!

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии