Се појави првата бета на Facebook Home, еве како може да ја инсталирате

MoDaCo ја објави првата неофицијална бета верзија на Facebook Home која може да се инсталира на куп различни Android уреди, вклучувајќи и таблет компјутер, а не само на петте кои ги најави Facebook. Oваа верзија доаѓа како три различни APK фајлови кои треба да ги симнете. Инсталацијата не бара рутиран телефон, и се што треба да направите е да потврдите дека сакате да инсталирате апликација од „нeофицијален извор“.

Facebook Home е нова апликација која го заменува вашиот оригинален Android интерфејс со интерфејс на Facebook. Со Home почетниот екран и уште неколку функционалности се комплетно редизајнирани за полесно следење на активностите и комуникацијата на мрежата. Но, неофицијалната бета си има свои ограничувања. Пример, не работи Chat Heads функционалноста со која ви се покажуваат најновите пораки од пријателите независно која апликација користите, а максималната резолуција е од 1280×768. Исто така, имајте на ум дека се работи за неофицијална верзија (официјалната излегува на 12-ти април), па можно е да има проблеми со стабилноста.

Toa што е важно кај оваа неофицијална верзија е што демонстрира дека може да функционира на куп различни уреди, не само на неколку Samsung и HTC телефони. Јасно е дека Facebook има партнерство со овие две компании за да го задржат ексклузивното „прво“ врз Home. Целта е нели да се продадат повеќе телефони. Но, апликациите можат да функционираат и на други телефони, дури и таблет компјутери. Прашањето е кога Facebook ќе ја објави самостојната Home апликација да може да се симне?

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии