Samsung претстави „биолошки“ процесор кој мери пулс и ниво на стрес

Samsung има нов процесор кој е далку подобар од обичните фитнес монитори. „Биолошкиот“ процесор може да мери индекс на телесна тежина, мускулна маса, пулс, температура и ниво на стрес. Идејата за зголемување на можностите на мониторите е одлична, но повеќе ќе зависи од имплементацијата отколку од вообичаените желби на Samsung да додава купишта сензори на своите продукти. Новиот чип ќе доаѓа со едноставно име Samsung Bio-Processor и веќе е во производство. Првите чипови ќе излезат од фабриките во првата половина на 2016 година. Најверојатно истовремено ќе можеме да ги видиме и првите уреди, а можни прототип решенија можеби ќе видиме веќе следната недела на CES 2016.

Со новиот процесор Samsung ќе биде чекор пред конкурентите, барем кога се во прашање паметните часовници и алките за вежбање. Apple и на овој пазар останува еден од најголемите конкуренти на Samsung. Американскот гигант ги најави овие сензори за Apple Watch, но сепак не ги имплементираа во ниту една верзија до сега.