Само уште 24 часа за пријавување учество на Online Startup Weekend Skopje

IT.mk редакција

во ИТ.МК

Овој викенд ќе се одржи првиот Online Startap Weekend Skopje – Covid-19 edition. Овој настан претставува уникатна можност за развивање бизнис идеи кои ќе му помогнат на општеството да се справи со предизвиците на пандемијата. Настанот ќе им овозможи на учесниците да изградат тим, да се поврзат со искусни ментори и да добијат вредни награди кои ќе им помогнат да продолжат да ги развиваат бизнис идеите.

Online Startap Weekend Skopje – Covid-19 ќе се одвива за време на викендот 24-26 април, и сите активности, од работа во тим, до менторски сесии и презентирање на идеите, ќе се одвиваат исклучиво online. На настанот можат да учествуваат сите во С. Македонија без разлика на тоа дали имаат своја идеја или сакаат да се приклучат во тим на некој друг.

Учеството е бесплатно и останаа само уште 24h за пријавување. Кликнете тука за да се пријавите, и тука за да ја пријавите вашата идеја. Доколку имате прашања, контактирајте го тимот на Startup Weekend Skopje на официјалната Facebook страна.

Покрај можноста за вмрежување, развивање на реален бизнис, стекнување на сертификат за учество, и можност за добивање вредни награди, ова е уникатна можност да бидете дел од едно глобално движење и секако, да правите нешто забавно и интересно за време на викендот 24-26 април. Пријавете се и бидете дел од првиот Online Startup Weekend Skopje – Covid-19 editiоn сега!


Disclaimer: IT.mk е медиумски спонзор на настанот.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии