Роботот SAM ќе им помага на градежните работници

Дејан Соколоски

во Свет

Работата на градежните работници не е едноставна. Во голем дел е поврзана и со физичка работа, кревање и поместување на цигли, цемент и слични градежни матeријали.

3Д принтерите веќе на големо тестираат цемент како материјал за принтање, а компанијата од Њујорк, Construction Robotics, има поинакво решение. SAM (Semi-Automated Mason)е робот кој може самиот да ги подигне циглите, да ги намачка со цемент и да ги постави на ѕидот. Роботот не е сосем автономен. Работниците се потребни да се постават циглите на подвижната лента и да го отстранат вишокот малтер по поставувањето на циглите.

SAM е дури 5 пати поефикасен од луѓето. Не само што е побрз, туку е и поевтин кога поставуањето на цигли е во прашање. Сепак, роботот не треба да ги замени ѕидарите, туку да им ја олесни работата. Со помош на SAM и постарите ѕидари ќе може да работат, а и градењето ќе биде побрзо.

За разлика од 3Д-принтерите кои како материјал користат бетон, SAM гради со цигли, па технологијата само се надополнува.

Без сомневање, напредокот во роботиката и автоматизацијата ќе придонесат за прераспределба на дел од работниците. Дали прераспределбата ќе се случи доволно брзо или работниците само ќе бидат заменети, е можеби најважното прашање.

1 коментар на “Роботот SAM ќе им помага на градежните работници

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии