Првиот робот полицаец денес веќе патролира по улиците на Дубаи. Зборува шест јазици, а може и да се ракува или да отпоздравува.
Say cheese! Check out the amazing Robocop over at the @DubaiPoliceHQ stand! #GISEC2017 pic.twitter.com/5exGfSkHC4
— GISEC (@GISECDUBAI) May 21, 2017
Роботот доаѓа со тркалца, може да поздравува, да се поклони, да зборува на неколку јазици, па дури и препознава гестикулации, јави Next Web. Роботот е висок 170 сантиметри и тежи 100 килограми. Доаѓа со технологија за препознавање на состојбата на луѓето. Може да препознае дали некој се смее, плаче или е радосен. Дополнително роботот доаѓа со технологија за препознавање на ликовите и може да ги препознае престапниците. Во креирањето на првиот робо-полицаец, заедно со полицијата на Дубаи учествуваа Google и тимот на IBM кој е зад Watson.
„Нашата цел е да им помогнеме на луѓето во трговските центри и на улиците. Robocop е најновиот регрут ви полицијата, тој е дизајниран да се бори со криминалот, да помогне градот да биде безбеден и да го зголеми задоволството на граѓаните“, вели раководителот на паметни услуги од полицијата во Дубаи.
Секако Robocop, барем засега нема да брка криминалци по улиците, туку ќе им помага на граѓаните со помали проблеми.
Властите во Дубаи нема да се задржат на ова. Полицијата до 2030 сака четвртина од активните полицајци да ги замени со роботи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
