Ресторан во Токио вработува парализирани луѓе да управуваат со роботи

Дејан Соколоски

во Свет

Ресторан во Токио во кој служат роботи вработува луѓе со ALS и повреди на рбетот. Овие работници управуваат со роботите кои ги послужуваат гостите во ресторанот.

Dawn Cafe им овозможува на луѓето со парализа да заработат управувајќи со робот креиран од старапот Ory. OriHime-D е хуманоиден робот висок 120 сантиметри со кој се управува од далечина. Роботот има сензори, микрофони, камери, може да се движи и да поместува предмети.

Идејата на стартапот е да им помогне на луѓето со вакви попреченост да придонесуваат и да добијат улога во општеството. За жал тестовите траат до 7 декември. Што ќе се случи со технологијата по тест периодот е засега непознато. Сепак според најавата не треба да се очекува дека кафулето ќе отвори пред 2020 година, пренесе Nextshark.

Во последно време вакви вести каде роботи отвораат нови работни места се ретки. Ова е еден интересен пример во кој технологијата им помага на луѓето кои имаат попреченост да пронајдат работа и можност да се чувствуваат корисни.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии