Работењето од дома – „рај“ за хакерите

Поради пандемијата на COVID-19 најголем дел од работниците или барем сите кои можат се префрлени и работат од дома. Сепак безбедносните експерти предупредуваат дека новонастанатата состојба е вистински „рај“ за хакерите.

Вакви напади веќе се забележани врз Светската здравствена организација, вели Александер Урбелис. Нападите се најчесто во форма на „фишинг“-измами. Веќе е откриена копија веб-сајт која по изгледот е копија на интранет сајтот кој го користат вработените во Светската здравствена организација.

Засега напаѓачот е непотврден но компанијата во која работи г. Урбелис смета дека станува збор за групата „Dark Hotel“ чија цел се директори и лица на раководни функции. Покрај сајтот на СЗО, групата креирала копии на сајтови на неколку различни значајни здравствени организации.

За пристап на овие страници вообичаено се потребни корисничко име и лозинка, па луѓето најчесто не се ни сомневаат дека има некакви проблеми. URL-то на страниците е збунувачко и најчесто е слично со оригиналното, но ако проверите внимателно каде одите може да препознаете дека станува збор за измама.

Што се однесува до евентуалните причини поради кои групата сака да дојде до овие податоци, иако нема точни податоци има две поверодостојни шпекулации. Првата е дека се собираат податоци за некоја понормална иднина, а втората е влијанието кое податоците од СЗО би го имале врз берзите, вели National Public Radio.

Но ова е причина за сите да бидеме повниматели

Нападите врз СЗО покажуваат колкава е потребата за безбедност при работа од дома. Ова важи за најголем број од луѓето кои можат да работат од далечина. Вообичаено седнуваат на својот компјутер и се логираат. Ова сега не е случај и отворање на погрешна пошта и линк можат да доведат до предавање на податоците на погрешно место.

Ова секако помалку ќе го почувствуваат компаниите кои навремено ги тренирале своите вработени да препознаваат измами. Секако потребно е и дополнително инвестирање во инфраструктура за двојна авторизација, и во ИТ тимови кои ќе бидат подготвени за безбедносните предизвици кои ги носи работата од дома.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии