Qualcomm ќе го надгради Snapdragon 855

Qualcomm најави дека наскоро може да очекуваме надградба на нивниот најмоќен процесор Snapdragon 855. Овој пат нема да има „генерациска“ промена туку помала надградба, а надградениот процесор доаѓа под името Snapdragon 855+.

Snapdragon 855 е процесор кој се користи во најмоќните телефони, а без сомневање ова ќе биде случај и со надградбата Snapdragon 855+. Секако дел од компаниите како Samsung и Huawei користат и сопствени процесори во телефоните, но вообичаено имаат и серии со процесорите на Qualcomm.

Новиот процесор доаѓа со засилено „Prime“ јадро.  Досега ова јадро работеше на 2,84 GHz, а сега ќе работи на 2,96 GHz. Во процесорот има 8 јадра, четири од овие јадра се за поголемо оптоварување и тие се на 2,42 GHz, другите четири се користат при помало оптоварување. Prime е дел од помоќните четири јадра и е најмоќното јадро во процесорот. Во случај кога телефонот или таблет компјутерот ќе работат со едно јадро ќе работат нешто побрзо.

Со новиот процесор е најавен и Adreno 640 графички процесор кој според ветувањето од компанијата ќе биде 15 отсто побрз.

Првите телефони со Snapdragon 855+ доаѓаат многу скоро. Веќе следната недела, на 23 јули пристига Asus ROG Phone 2, а на почетокот на август, Samsung ќе го претстави Galaxy Note 10. Засега нема официјална потврда дека телефонот ќе доаѓа со овој процесор но Note 10 е кандидат за Snapdragon 855+, вели Ars Technica.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии