Прв телевизиски пренос на е-спорт лига во Македонија

За прв пат е-спорт натпревар од Македонија беше пренесуван на телевизиски канали. Љубителите на е-спортот можеа натпреварите од полуфиналната и финалната фаза на Националната еспорт лига да ги изгледаат на Twitch, но и спортскиот канал Sport Klub 3. Во овие финални натпревари учествуваа: Evolution Online, ME6, Vincit Omnia, Blade’s Edge, Entity Ochrid и Level MK.

Победник на првата Национална еспорт лига во League of Legends е тимот Evolution Online. Со ова тимот се избори за квалификации за Балканската еспорт лига. Ако успешно ги помине квалификациите Evolution Online ќе не претставува на балканско и доколку постигне успех и во оваа фаза од натпреварувањето, продолжува понатаму во регионалната фаза.

Во моментов се одржуваат Националните лиги во Counter Strike: Global Offensive и Dota 2. Завршницата на овие лиги ќе биде лан или офлајн, односно играчите ќе играат на претходно утврдена локација. Победничкиот тим на CS:GO, доколку се обезбеди пласман на светското Еспорт првенство на ИЕСФ, ќе ја претставува Македонија во Јужна Кореја.

Иако ова е првпат да биде пренесувана македонска еспорт лига, сепак не е прв првпат македонски тим да биде пренесуван на традиционален телевизиски канал. Претходно на Sport Klub 3 беа пренесувани натпреварите на Evolution Online.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии