Изборите во Франција се закажани за април; на неколку месеци пред изборите Google и Facebook најавија соработка за точно информирање на граѓаните. Новата платформа CrossCheck треба да им помогне на граѓаните да добијат точни информации. CrossCheck е основана од First Draft News, невладина организација чиј што ко-основач е Google News Lab.
Официјално платформата во Франција ќе биде достапна од 27 февруари. Платформата ќе им овозможи на граѓаните да ги проверат вестите за кои сметаат дека се неточни.
Новинските агенции кои се партнери во CrossCheck се: AFP (Agence France-Presse); BuzzFeed News; France Médias Monde (Observateurs de France 24); France Télévisions; Global Voices; Libération; La Provence; Les Echos; La Voix du Nord; Le Monde; Nice-Matin; Ouest-France; Rue89 Bordeaux; Rue89Lyon;Rue89 Strasbourg; Storyful и StreetPress.
„Секој од учесниците ќе учествува на свој трошок, со сопствени ресурси и познавање на состојбите во регионот. Ова е со цел да се забрза и засили процесот на верификација, но и да обезбеди до граѓаните да стигнат точни вести. Партнерите на CrossCheck ќе можат да ги користат овие податоци во своите статии, телевизиски програми и друштвени мрежи.“, јави First Draft News.
Најголемата друштвена мрежа ќе ја поддржи платформата со алати и напори за зголемување на медиумската писменост. Проверката на факти е со помош на неколку алатки:
- Spike – технологија која може да предвиди и да препознае актуелни приказни.
- CrowdTangle – алатка креирана од Facebook за откривање и мониторинг на содржини на друштвените мрежи.
- Google Trends – пребарување за кандидатите од државите.
- Hearken‘s Engagement Management System – алатка за прибирање и одговарање на прашања, поставени од јавноста.
- Meedan’s Check – алатка за проверка на факти.
- SAM – менаџер за содржни на друштвени мрежи.
- Le Monde’s Le Décodex – база на податоци која ги содржи страниците кои се обележани дека објавуваат лажни или сатирични вести.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
