Последното DLC за Call of Duty: Black Ops 3 излегува во четврток

Од излегувањето на играта во 2015 па до сега, мрежното играње во Call of Duty: Black Ops 3 значително се прошири за сопствениците на сезонската пропусница. Со вклучување четири нови мапи, последното проширување само се надоврзува на досегашното искуство.

Мапите кои ќе ги најдете во Salvation се Citadel, Micro, Outlaw и Rupture. Првата мапа се одвива помеѓу рушевините на замок, а втората, верувале или не, на минијатурно бојно поле на пикник маса. Третата мапа, пак, има примеси од Дивиот Запад и е во стилот на Standoff мапата од Black Ops 2, додека третата влече корени од Outskirts мапата од Call of Duty: World at War.

Како уште еден додаток, со четирите мапи се испорачува и последното поглавје од „приказната“ за Origins Zombies.

Соберете ги сите додатоци и добивате импресивна содржина за поразновидно мрежно препукување низ 16 нови мапи. Да не ни зборуваме за мапите и проширеното искуство за фановите на зомби режимот на играње.

По еден месец ексклузивен пристап преку Playstation 4, Salvation додатокот излегува за Windows PC и Xbox One овој четврток. Играчите на конзоли можат да го купат само овој додаток за 15 евра, но PC гејмерите можат да одат само со целата сезонска пропусница која е со 20% попуст во моментот.

1 коментар на “Последното DLC за Call of Duty: Black Ops 3 излегува во четврток

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии