Поради пандемијата Google до јули 2021 ќе работи од дома

Светската пандемија Ковид-15 и натаму продолжува да ги менува навиките на луѓето. Ова веројатно и не треба да биде изненадување со оглед на тоа дека сè уште нема вакцина, ниту вирусот исчезна со летото. Дел од техничките компании веќе се прилагодија и поради пандемијата работат од дома.

Google најави дека неговите вработени, со мал дел исклучоци ќе продолжат да работат од дома уште една година. Вработените во компанијата ќе започнат да се враќаат во канцелариите најрано во јули следната година, пишува Wall Street Journal.

Една од причините за ова е да им помогнат на своите вработени да се справат со новата реалност. Голем дел од вработените имаат деца кои треба да одат на училиште, но за сега не е во целост јасно како ќе се одвива учебната година и наставата.

„Знам дека не е едноставно. Се надевам дека ова ќе ви овозможи поголема флексибилност која ви е потребна да балансирате со работа и грижата за вас и семејството следните 12 месеци“, вели Сандар Пичај, во обраќањето до вработените.

Со ова Google е првата компанија која го промени терминот за почеток враќање во „нормала“. Компанијата ги затвори канцелариите во март и тогаш излегоа со претпоставка дека ќе можат да се вратат во јануари. Ова очигледно не е случај, па по Google и останатите гиганти од индустријата ќе го променат терминот. Што се однесува до Google над 200 000 вработени во компанијата ќе бидат зафатени од оваа мерка. Поради Ковид-19 пандемијата работа од дома не е новост за ниту една компанија. Google, Facebook, Apple, Twitter Microsoft

Интересно е што оваа одлука на техничките компании од Сан Франциско и околината значително влијае и на цената на пазарот со недвижности. За прв пат по подолго време бројот на празни станови во Сан Франциско порасна за 6,2 проценти.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии