Подгответе се за уште еден онлајн гејминг турнир

Добра вести за сите љубители на еспорт и гејминг, и најмногу за љубителите на Counter Strike. Македонската еспорт асоцијација организира турнир во Counter Strike: Global Offensive. Најдобрите играчи од 1 јули (среда) до 5 јули (недела) ќе се натпреваруваат за титулата најдобар CS тим во Македонија. Социјалната дистанца и престојувањето дома се активности кои се од исклучителна важност во спречувањето на ширење на корона вирусот, па МеСФ се одлучи за уште еден турнир. Преносот ќе оди во живо на најпознатата платформа за стриминг на видео игри Твич – Twitch.tv/mesa_esports.

„Гејминг и еспорт сцената имаат голем потенцијал да го олеснат секојдневието во овие уникатни периоди, покрај изворот на забава, видео игрите имаат и голема социјална моќ и можност да ги зближат луѓето. МЕСА со своите поддржувачи активно ја демонстрира оваа нова реалност и ја унапредува положбата која видео игрите ја имаат во македонското секојдневие. Моќта на гејмингот беше препознаена и од Светската здравствена организација која од почетокот на оваа година во соработка со популарни лица од гејминг сцената создаде интернет кампања под мотото #PlayApartTogether. Како и на глобално ниво, така и кај нас видеоигрите и еспортот земаат огромен замав последниве години. Ова е несомнено индустријата на иднината и оваа реалност се докажува со постојано зголемување на гејминг заедница помеѓу луѓе кои делат иста пасија и љубов. Домашната сцена штотуку почнува да добива структура како и континуирани и компетентно организирани настани кои дополнително помогаат во етаблирање и афирмирање на гејмингот како двигател во општеството.“ – вели Константин Пејоски, претседател на Македонската еспорт асоцијација.

Гореспоменатите онлајн турнири ќе се одржат од 01.07.2020 (среда) до 05.07.2020 (недела) и ќе можат да се гледаат во живо на twitch.tv/mesa_esports. Преносот во живо за време на работната недела, односно од среда до петок ќе започне од 18:00 часот, додека почетокот на стримот за викенд (сабота и недела) ќе започне од 11:00 часот. Победниците ќе бидат наградени преку поддршката од спонзорите на настанот: EU House и Делегацијата на Европската Унија во Скопје, Нексио, Неотел, Галерија, Pizza Jakomo и GG.MK.

Како и во светски рамки, во последните неколку години гејмингот во Македонија доживува огромен подем. Огромнен број на гледачи и љубители кои ги следат овие натпреварувања дополнително додава на афиримирањето на натпреварувањето во видеоигри како спорт, а бројот на гледачи до 2021 година е предвидено да се искачи на 250 милиони љубители на ваквиот вид натпреварувања.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии