Европскиот парламент со големо мнозинство изгласа ново намалување на роаминг цените за повици и интернет ширум Европа. Оваа одлука веќе беше претходно најавена, а сега е и официјализирана.
By 578 to 10 – the #EP backs new fair deal for mobile #roaming users. This is #EU delivering for the citizen; money in yr pocket
— Neelie Kroes (@NeelieKroesEU) May 10, 2012
Од јули роаминг цените ќе бидат максимално 29 евро центи за минути, односно 17,7 денари за повик, или 5 денари за примање повик, или околу 70 евро центи за мегабајт, односно 42,7 денари.
Ова намалување е прв дел од планот на Европската Комисија да ги намали роаминг цените колку што е можно повеќе до 2015 година. Според Комисијата, роаминг цените до сега беа премногу високи за да можеше корисниците слободно да комуницираат меѓу земјите-членки, што влијаеше негативно на економијата и трговијата во „безграничната“ Европа.
Со намалување на цените, кои се апсолутно непотребно високи, како што вели евро-комесарката Нели Крус, ќе се отвори нов пазар за слободно користење на мобилните телефони без грижа на високи сметки.
„Со поставување на лимит на цените, креиравме роаминг пазар за генерацијата на корисници на паметни телефони, и ставивме крај на ерата на кражбите познати на сите кои користеле телефон додека патуваат во странство.“, вели евро-комесарката задолжена за Дигитална агенда.
Следниот чекор е цените да паднат уште до 2014-та година, и да им се овозможи на корисниците да променуваат мобилни мрежи кога ќе влезат во друга држава, наместо како што е сега да останат само со домашниот оператор.
T-mobile
