Таман AMD помислија дека ќе се приближат до перформансите на Intel, презентација на Kaby Lake го покажува i7-7700K на 7GHz…
Перформансите на новата генерација не се толку подобри од претходникот, но Kaby Lake е креиран за оверклокување. Intel i7-7700K процесорот работи на 4.2GHz, а со турбо на 4.5GHz. Сепак рускиот сајт OCLab дојде до процесорот и го тестираше со азотно ладење. Процесорот стигна до 7022.96 MHz. Оваа фрекфенција без сомневање ќе оди нагоре кога ќе излезат Kaby Lake матичните плочи. Овој тест е направен со ASRock Z170M OC Formula матилна плоча, која не е оптимизирана за архитектурата Kaby Lake.
Вообичаено овие оверклокувања се прават со едно вклучено јадро на процесорот. Сепак овој пат тестот е со две вклучени јадра, пишува PC Magazine.
Можностите за оверклокување секако ќе им се допаднат на PC ентузијастите. Работна фреквенција од 7 GHz можеби и нема да биде остварлива за најголем дел од корисниците. Ако со помало ладење со овозможени подобри перформанси од сегашната генерација, корисниците ќе бидат презадоволни.
Се надеваме дека наскоро на CES ќе дознаеме повеќе за можностите на процесорот.
