Нова алатка од MIT го прилагодува стариот код за нов софтвер

Дејан Соколоски

во Вести

Истражувачите од MIT работат на решение кое во иднина може да помогне за скратување на дел од работата на програмерите.

CodeCarbonCopy или CCC, автоматски може да ги препознае и прилагоди линиите код кои го копирате и вметнувате во вашето решeние.

Креирањето на нов код и вообичаено содржи „рециклирање“ на претходно напишан код, или пронаоѓање на готови решенија од Stack Overflow и негово вметнување. Се разбира, по ова развивачот треба да го прилагоди кодот на своите потреби.

Она што го овозможува CCC, се автоматски примени и прилагодување на кодот. Во алатката се внесуваат оригиналниот код и кодот кој се презема. CCC автоматски ги менува имињата на променливите и „data representations, пишува Motherboard. Алатката може и да препознае делови на кодот кој постојат во преземениот код, но нема да бидат од корист во новиот код.

Досега истражувачите од MIT ја тестираа својата алатка 8 пати на 6 програми помеѓу кои и: VLC, mtPaint и MPlayer. Седум пати алатката функционираше без грешка, а осмиот од mtPaint во bmp2tiff беше неуспешен.

Алатката сè уште е во тест фаза, па потребен е прилично долг период за прилагодувањето. Можеби во иднина дел од оваа функционалност ќе биде и автоматски додадена во IDE. Сепак, нема причина за страв дека ќе останете без работа, и вака на алатката и е потребна интеракција со девелопер.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии