Нов живот за Skyrim

Мартин Јованчевски

во гејминг

Насловот е од двосмислена природа. Од една страна, мислиме на Remaster/ Special Edition, надградената и, дефинитивно, графички разубавената верзија на основната игра, која доаѓа со трите додатоци. Но, таквото нешто нема да биде достапно сè до 28 октомври, а постојано гледање на следниот трејлер дефинитивно нема да вдише нов живот во играта.

Она на што навистина би сакале да го насочиме вашето внимание на Enderal – мод на кој е работено со години. Целосна конверзија на Skyrim за која може да се каже дека е нова игра во игра.

Enderal ве вовлекува во целосен континент, чија големина е скоро идентична со таа на континентот во Skyrim. Од естетска гледна точка, авантуристичкиот дух ќе го негувате низ лавиринт од пустини, џунгли и градови, што е навистина освежувачко и e одлична алтернатива на студените северни краишта во Skyrim.

Навлезете во епицентарот на овие места и ќе се соочите со бројни главни и споредни потраги, поразличен систем за надградување вештини, невообичаени непријатели, оружја и оклопи. Да не ни зборуваме за професионалната посвета на актерите кои го позајмуваат гласот на бројните NPC ликови. Земајќи го сево ова предвид, лесно можете да заборавите дека играте мод, а не нешто повеќе од тоа.

Доколку му пружите шанса, Enderal ќе ве забавува 50+ часа, а во случај да се чувствувате удобно со германскиот јазик, модот можете да го искусите и на тој начин. Подразбирливо, Enderal не функционира без Skyrim, што значи дека потребно е претходно инсталирање на клучната игра.

2 коментари на “Нов живот за Skyrim

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии