Ко-основачот на Grouper и сегашна министерка за финансии, Нина Ангеловска е помеѓу седумте жени амбасадори за е-трговија во Обединетите нации. Промоција е најавена на 74. Генерално Собрание на ОН од 23 до 26 септември во Њујорк. Признанието го доделува телото при организацијата за трговија, инвестиции и развој (УНКТАД).
„За забрзување на економскиот раст и намалување на сиромаштијата во земјите во развој, потребно е да се искористи позитивното влијание на дигиталната технологија во комбинација со моќта за трансформација на претприемништвото кај жените“, се вели во објавата на УНКТАД.
Заедно со Нина Ангеловска избрани за „амбасадорки на е-трговија“ се: Ксиаофеи Јао од Кина, основачка и извршна директорка на Rogrи; Клаудија де Хередиа од Мексико, ко-основачка и оперативна директорка на Kichnik; Хелианти Хилман од Индонезија, основачка и извршна директорка на Javara; Назанин Данешвар од Иран, основачка и извршна директорка на Takhfifan; и Кларис Ирибагица од Руанда, основачка и извршна директорка на DM.HeHe.
Оддавањето на признание на жените претприемачи е дел од иницијативата „е-трговија за сите“ има за цел да придонесе во креирање на политики во националните и меѓународните дијалози во насока на еманципација и развој на способностите на следната генерација на жени претприемачки. Предводена е од УНКТАД, а поддржана и од владата на Холандија.
