Незадоволните македонски корисници никогаш не поднесуваат поплаки и приговори, вели АЕК

Македонските корисници иако се незадоволни, тие не поднесуваат поплаки и приговори до давателот на електронските услуги, ниту пак поднеле приговор до Агенцијата за електронски комуникации (АЕК), се вели во февруарското истражување.

Скоро 83 отсто од корисниците на фиксна и мобилна телефонија, како и интернет услуги, никогаш не поднеле приговор до провајдерите на услугите, односно скоро 93 отсто од корисниците никогаш не поднеле приговор до АЕК. Впрочем, само 57 отсто од популацијата слушнале за АЕК и знаат дека агенцијата е регулаторно тело на пазарот на електронски комуникации, а камоли да чуле за телефонскиот број 190 што е контакт центар на АЕК.

Но, од друга страна, скоро половина од корисниците се задоволни со услугите и цените кои се нудат на пазарот, иако 57 отсто изјавиле дека барем еднаш месечно имаат проблем со давателите на електронските услуги.

Користење на интернет

Новото испитување на јавното мислење во однос на пазарот на електронски комуникации на АЕК ни открива дека во Македонија 61 отсто од македонската популација, постара од 16 години, се корисници на интернет. Од нив скоро 74 отсто користат интернет секој ден. (Ова се малку поинакви бројки од тие на Заводот на статистика кои кажуваат дека 56,7 отсто од населението користи интернет)

„Богатата интернет понуда директно влијае на пенетрацијата на интернетот во домаќинствата, каде што дури 93% од интернет корисниците најчесто користат интернет дома, додека од сите места каде што користат интернет 95% од корисниците користат интернет дома.“, пишува АЕК.

Интересно само 17 отсто користат интернет на работа, што можеби дава слика дека Македонија е земја каде интернетот не е неопходна алатка за бизнис.

Испитувањето на АЕК е направено со случаен репрезентативен одбирок на 1.100 испитаници интервјуирани лице-во-лице во домовите.

„ADSL/ VDSL пристапот и понатаму е најчест интернет пристап во домаќинствата кај 56% од корисниците на интернет, но со блага надолна тенденција што се гледа од намалениот процент во однос на минатиот бран на истражување. Кабелскиот интернет пак сé почесто се среќава во домаќинствата. Во овој бран на истражување 43% од корисниците на интернет се изјасниле дека интернетот во домаќинството им е овозможен преку кабелски оператор.“

Што се однесува до задоволството од услугите, скоро 85 отсто од корисниците се донекаде или многу задоволни.

Кoристење на мобилен телефон

Истражувањето покажува дека 87 отсто од македонската популација користат мобилен телефон. Од нив 73 отсто користат само една SIM картичка, останатите користат две или повеќе.

„Во сите досегашни бранови на истражување како најчеста причина зошто корисниците на мобилна телефониаја не користат повеќе СИМ картички во различни мрежи е тоа што броевите кои најчесто ги вртат се на истиот мобилен оператор. Во ова истражување 55% ја навеле оваа причина. За 28% корисници на мобилна телефонија, причината за користење на само една СИМ картичка е тоа што е ‘Скапо (зголемени трошоци за ваучери/ претплата/ телеф. Апарати)’.“

Што се однесува до задоволството, АЕК вели дека истражувањето покажало дека „задоволството во однос на квалитетот на говорните услуги на мобилниот оператор е на малку повисок степен во однос на претходните бранови на истражувања.“

4 коментари на “Незадоволните македонски корисници никогаш не поднесуваат поплаки и приговори, вели АЕК

  1. Добро познат факт е и дека скоро сите вработени во АЕК се луѓе (сопруги и сопрузи) на по некој директор од засегнатите фирми, така што сите приговори што би ги приложиле само ќе се основ за се поголемото “на ти го, дај ми го“ помеѓу АЕК и оператерите. Најмногу што еден корисник може да направи е да се откаже од услугите на операторот и да се надева дека следниот оператор ќе биде поарен.

    Теоретски пазарот така би ги казнил лошите оператори а би ги наградил добрите (само добрите оператори да не беа толку скапи).

    Единствено останув Здружението на Потрошувачи да форсира да во договорите со операторите да биде вметнат некој SLA па доколку тој не е испочитуван, тогаш да фрчат судски тужби па судски казни итн.

  2. Lazat! sekogas sve se zavrsuva vo polza na operatorot! mi bese naplateno 1500 den. za usluga sto ne sum ja koristel, od ONE. N na krajot AEK ne mi ja usvoi zalbata, odnosno navede deka ONE ne e kriv za toa. Pa bev vo ustaven kade sto mi ja odbija zalbata, bidejki bila nejasno navedena. Lugje, toa e vrzan krug. Djabe i reklami za AEK i sve, reklamite se samo sminka.

  3. Не е точно дека не се жалат луѓето, само што нема ефект. Личен пример, се јавив во АЕК поради тоа што на BOOM емитуваат канали само со српски превод, и од АЕК ми рекоа да поднесам писмена жалба до ONE, па ако не ми одговорат за 15 дена тогаш да се јавам во АЕК. Никој нема време за тоа, реално… Да има АЕК поголеми овластувања и жалбите да одат преку АЕК, ситуацијата би била поинаква

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии