ИТ настан: Започнува иницијативата Brainster talks, првиот предавач е рускиот програмер Алексеј Сидоренко

Image Courtesy of Brainster

Македонскиот стартап Brainster ја претставува својата нова иницијатива Brainster talks, која ќе се случува во Скопје и ќе служи како отворено место за споделување на знаење и идеи. Практично, замислата на Brainster е овој настан да биде бесплатен и редовен meetup кадешто учесниците ќе учат од експерти во одредена област кои ќе зборуваат на актуелна тема.

„Сакаме да креираме заедница од претприемачи, фриленсери, креатори, артисти и други професионалци во македонската заедница која ќе се базира на вредностите на споделување, соработка, отвореност и поддршка.“, изјави Петар Ниновски, основачот на Brainster.

Првиот Brainster Talks ќе биде со рускиот програмер и веб девелопер Алексеј Сидоренко. Ќе се одржи на 27 октомври во 18.00 ч. во Public Room. Темата која ќе се дискутира е „Како да го искористите емоционалниот маркетинг за да го направите вашиот продукт вирален“ каде ќе биде разработено прашањето како претприемачите ја користат моќта на потсвеста при донесување на одлуки, и како можете Вие да го направите својот производ вирален.

Кој е Алексер Сидоренко?

Алексеј Сидоренко е експерт, претприемач и искусен веб-девелопер, кој во неговата кариера се занимава како новинар и уредник на “RuNet Echo” проектот на Global Voices Online, каде ги има истражувано и анализирано развојот и промените во руската интернет сфера. Како новинар, има придонесувано и за “Freedom House” и “Reporters Without Borders” во областа на интернетот и слободата на говор во Русија.

Во 2010 има работено како веб-девелопер за “Help Map” проектот, а во 2012 година ја создава компанија “Teplitsa of Social Technologies”, која се фокусира на развој на технологии за општествена полза, едукативен проект чија цел е развој на соработката помеѓу непрофитниот сектор и ИТ-специјалистите. Мисијата на „Teplitsa“ е да се развие култура на технологија и онлајн социјални веб и мобилни апликации за подобрување на аспекти од општеството. Во моментов, Алексеј води тим од 18 луѓе кои работат на проектот.

Како да се регистрирате за настанот?

Предавањето е бесплатно, повеќе информации и регистрација на следниот линк.

Ова предавање се случува во соработка со SECO Entrepreneurship Programme на Владата на Швајцарија, имплементирана од SwissContact во партнерство со J.E. Austin Associates.