Најмодерниот руски робот не е робот, туку човек во костум

Дејан Соколоски

во Вести

Сите кои го видоа најновиот руски андроид Борис сметаа дека е еден од најнапредните роботи направени досега. Роботот играше и се движеше речиси како човек, но по се изгледа дека има едноставно објаснување за ова. Станува збор за човек, а роботот е само костум. Телевизијата Russia-24 пренесе дека ова е еден од најсовремените роботи.

Настанот на кој беше „претставен“ Борис е „Идни интелектуални лидери на Русија“, и никој од организаторите не се обидел да измами никого. Измамата доаѓа единствено од телевизијата Russia-24.

Измамата ја открија блогерите од tjournal. Тие забележаа дека роботот нема никакви сензори, а недостасуваа и било какви официјални и неофицијални податоци. Всушност и не станува збор за специјално изработен костум. Оделото е достапно во продажба под име „Робот Алёша“. Секако секој од посетителите на настанот можел да забележи дека станува збор за костум, а не за вистински робот. На фотографии објавени на друштвените мрежи може лесно да се забележи вратот на човекот кој го носи костумот.

Сепак станува збор за скап и софистициран костум кој има микрофони, таблет и чини 3 800 долари!

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии