Најавен поевтин роаминг во регионот и регионална Академија за сајбер безбедност во Скопје

Министерството за информатичко општество и администрација е домаќин на своите колеги од регионот. Покрај министрите и владини претставници од државите од Западен Балкан во Скопје се и еврокомесарката за дигитална економија и општество Мариа Габриел и министерот за дигитални политики, телекомуникации и медиуми на Грција, Никос Папас. Министерот за информатичко општество и Дамјан Манчевски ја претстави и идејата за отворање на регионална Академија за сајбер безбедност во Скопје, пренесе МЕТА.

“Денеска заедно со моите колеги министри од земјите од Западен Балкан, како и колегата од Грција, продолжуваме да разговараме за намалување на цените за роаминг и идејата за воспоставување на регионален тренинг центар за сајбер безбедност овде, кој што ќе биде лоциран во научно-технолошкиот парк”, вели Дамјан Манчевски, министер за информатичко општество и администрација.

Една од темите на кои се разговараше е и намалување на цената на роамингот во земјите од регионот. Според најавата договорот би требало да се потпише на следниот дигитален самит што во април ќе се одржи во Белград.

Конечното укинување на роамингот помеѓу државите од Западен Балкан би можело да се случи веќе во 2021 година. Со конечното укинување на роамингот картичка купена од еден од операторите на државите во регионот ќе може да се користи во било која држава без дополнително плаќање за роаминг.

Како ова ќе се одрази на цените на операторите останува да видиме. По укинувањето на роамингот во Европската Унија дел од телеком операторите ги покачија цените на импулсите, но и креираа поевтини пакети со кои се оневозможува користење на роаминг.

1 коментар на “Најавен поевтин роаминг во регионот и регионална Академија за сајбер безбедност во Скопје

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии