Наградниот фонд на Dota 2 International 2016 надмина рекордни 18,7 милиони долари

Valve продолжува да ги соборува сопствените рекорди. Откако минатата година успеа да собере над 18,4 милиони долари за наградите на Dota 2 International, оваа година надмина 18,7 милиони долари и сè уште расте. Фондот за награди доаѓа од корисниците кои секоја година купуваат виртуелни билети. Оваа година за финансирање во фондот Valve продава Battle Pass и Compendiums за Dota, a 25 отсто од секоја продажба одат во наградниот фонд.

Ова се одлични вести за љубителите на Dota 2, но и за македонските гледачи кои за прв пат на волку голем натпревар ќе имаат локален херој, Мартин Саздов – Saksa и тимот на Digital Chaos.

Играта има неколку пати поголем фонд од најголемиот конкурент League of Legends, иако оваа игра има повеќе играчи. Сепак, што е поголем бројот на игри кои организираат натпревари, тоа подобро за развојот на е-спортот. На Riot Games и на Valve од неодамна им се приклучи и Blizzard, кој со Overwatch претендира да го загрози приматот на League of Legends и Dota како најдобра игра за е-спорт.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии