Надополнето: Џулијан Асанж е ослободен со кауција

Џулијан Асанж e ослободен. остане уште барем 48 часа во притвор бидејќи шведските обвинители поднесоа поплака на одлуката за кауција.

Стотина поддржувачи на г. Асанж, кои се собраа пред судот, се радуваа на судската одлука. Но кауцијата значи дека г. Асанж нема да седи во притвор до 11 јануари 2011 год. кога е закажано судењето за дали тој да биде екстрадиран во Шведска, каде е и обвинет за „случајни силувања“ и секс без кондом од две жени. Тој ги негира обвинувањата.

Слободата за г. Асанж ќе биде под строги услови. Тој веќе го има предадено пасошот за да не може да патува надвор од Англија, ќе носи електронска алка за да биде под надзор и ќе мора редовно, два пати на ден, да се пријавува на полицијата.

</надополнување>

<Надополнето 07.12.10:> Англискиот Вестминистер суд го одби барањето за кауција на основачот на Wikileaks, Џулијан Асанж велејќи дека г. Асанж има контакти и доволно финансиски средства да не остане во земјата. Џулијан Асанж ќе остане во притвор до 14 декември кога е наредното сослушување. Г. Асанж се бори против екстрадикција во Шведска, каде е обвинет дека извршил силување и сексуално малтретирање во април 2010 година.

Џулијан Асанж и неговиот адвокат Марк Стивенс ги одбија обвинувањата велејќи дека “сексот не бил принуден“. Една девојка обвинува дека основачот на Wikileaks ја користел тежината на своето тело врз неа да ја притисне, додека друга го обвинува дека имале секс без кондом, иако таа потенцирала да користат кондом. Има уште две обвинувања за сексуално малтретирања и незаштитен секс.

На судењето, неколку познати личности понудија 150.000 долари како гаранција дека г. Асанж ќе остане во Англија, но тоа не беше прифатено од судот. Една од причината за одбивање на кауцијата е што г. Асанж нема адреса на живеење во Британија, бидејќи е константно во движење. Тој самиот вели дека не останува на исто место подолго од неколку дена. Кога судот го праша за адресата тој само рече „PO Box 4080“, по што повторно му го поставија прашањето на кое тој дрско одговори: „Ви треба за да се допишуваме или за некоја друга причина?“ по што дал адреса од Австралија.

Иако судењето во Шведска е за силување, независен акт од објавување на доверливи документи, постои можност Шведска да го екстрадира г. Асанж во САД каде што може да му се суди за шпионажа, што е многу посериозен криминал од сексуално малтретирање. Инаку, Џулијан Асанж е жител на Австралија.

Дополнителен проблем за Wikileaks, е што сега и Mastercard и Visa се повлекоа одбивајќи да ги процесира донациите за сајтот, иако интересно, со Mastercard и Visa картичка можете да купувате од расистичката организација Кју Клакс Клан.