Над 700.000 апликации отстранети од Google Play, 99% отстранети од вештачка интелигенција

Image courtesy of Google Play

Google отстрани над 700.000 апликациии и 100.000 развивачи од Google Play во текот на 2017 година. Во просек, компанијата секој ден отстранувала по 1.900 апликации, јави Register.

Бројката е навистина голема, пред сé ако споредите со 2016 година. Бројот на отстранети апликации во 2017 е 70% поголем од претходната година. Сепак и бројот на апликации на Google Play e значително зголемен во 2017. Во 2017 година во продавницата имаше 3.5 милиони апликации, за во 2016, 2.6 милиони апликации.

Најверојатно најдобра и најимпресивна е веста дека дури 99% од овие апликации се „жртви“ на вештачката интелигенција. Ова е одлична вест и покажува дека во иднина продавницата ќе биде уште побезбедна. Според Google, шансите за да ве инфицира малициозен софтвер од Google Play е 10 пати помала отколку симнувањето апликации од друго место.

Дополнително, отстранети се и 100.000 развивачи на апликации. Компанијата објасни и кои апликации се отстранети, а сите не се со малициозен код. Така дел од отстранетите апликации се копии, или имаат наслов кој потсетува на друга апликација; дел од апликациите се со несоодветна содржина, насилство или порнографија; и конечно дел од апликациите се потенцијално со малициозен код.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии