Над 1,5 милијарди податоци се во опасност поради лошо конфигурирани сервери

Лошо конфигурирани сервери се главна причина поради која над 1,5 милијарди податоци се достапни за сите кои имаат барем минимално техничко познавање. Големината на овие податоци е проценета на 12 милиони гигабајти или 12 петабајти, вели безбедноснaта компанија Digital Shadows.

Најголем дел од достапните податоци отпаѓа на лошо конфигурирани: Amazon Simple Storage Service (S3); rsync; Server Message Block (SMB); File Transfer Protocol (FTP) сервери, но и лошо конфигурирани страници. Поради ова, податоците на корисниците се јавно достапни. Само во првите 3 месеци на 2018 година, Digital Shadows откри 1, 5 милијарди вакви податоци.

Дел од податоците кои се јавуваат се барања за поврат на данок и исплати на плата. Сепак, тука има и сметки од купување, листи на пациенти од ординации и сл. На листата има и производи од компании кои сè уште не се во продажба, а дел не се ниту објавени.

„Нашиот извештај покажува неколку случаи во кои е изложена интелектуална сопственост. Во еден случај, апликација за заштита на интелектуална сопсвеност и целосниот изворен код за технологијата беа јавно достапни.  Во друг пример енергетска компанија изложи на опасност детали и дијаграми од технологијата додека чекале за доделување на патентот“.

Кога државите се во прашање, најголем дел од овие податоците, околу 16%, најчесто се од САД. Сепак ако се гледа на Европа како на целина, тогаш со 37% од податците, никој не е ниту блиску до „стариот“ континент.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии