Можеби Стив Џобс со својата непопусливост го зададе првиот удар на Adobe Flash, но останува прашање дали Mozilla ќе го зададе нокаутот. На компанијата и здодеа небезбедноста на Flash и го отстрани плагинот од Firefox прелистувачот се додека не се закрпат zero-day пропустите.
Критиките до Adobe доаѓаат по крадењето на 400GB податоци по хакот на Hacking Team, со кој беа откриени 3 безбедносни пропусти во Flash. Adobe вети дека пропустите ќе бидат поправени оваа недела, но се чини дека најголем дел на безбедносните експерти не им веруваат на празните ветувања – според нив, Flash останува ризичен софтвер. По објавувањето на пропустот шефот за безбедност на Facebook, Алекс Стамос, побара од Adobe да излезе со дата на која ќе го повлече Flash.
Mozilla најави дека Firefox ќе продолжи да користи Flash, иако нема да биде активен по default. Компанијата ќе го врати
плагинот на прелистувачот кога ќе биде достапна безбедна верзија која нема да може да биде злоупотребена.
BIG NEWS!! All versions of Flash are blocked by default in Firefox as of now. https://t.co/4SjVoqKPrR #tech #infosec pic.twitter.com/VRws3L0CBW
— Mark Schmidt (@MarkSchmidty) July 14, 2015
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Продолжува војната против Flash-от … Не ја разбирам воопшто одбивноста на индустријата против Flash освен ако не се стави во контекст на монополот на Adobe што го има врз Flash. Инаку, Flash-от како алатка е неверојатно добар, мулти платформски, брз и е побезбеден од колку неговата конкуренција која се бутка низ голема врата – HTML5… А Стамос веќе се соочи со лавина критики и исмејувања за неговата изјава ….