Мој Воздух дел од 35 номинирани Млади шампиони на Земјата

Организацијата на обединети нации ја објави листата на регионални финалисти кои ќе се натпреваруваат за титулата Млади шампиони на Земјата. Дел од 35-те млади помеѓу 18 и 30 години е и Горјан Јовановски, основачот на Мој Воздух.

На повик од поддржувачите на Мој Воздух на натпреварот се пријави и основачот на Мој Воздух, тој сега е дел од европските финалисти.

Искрено бев изненаден кога добив емаил дека сме влезени во финалето со само 7 други европски тимови, што навистина ме израдува. После 5 години работа, да бидеме препознаени од најголемата светска организација, е огромна чест, без разлика дали ќе ја освоиме главната награда или не ($10.000 seed funding, менторство и маркетинг помош), Вели Горјан Јовановски.

На повикот за Млади шампиони на Земјата се пријавија 835 учесници, а идеите се најразлични, од заштита на амазонските прашуми до креирање на пластика која може да се конзумира, и уште куп други различни проекти. За секој од победниците во својот регион Обединетите нации нудат 10 000 долари и персонализирана поддршка со пристап до моќна мрежа и ментори

Признанието за Мој Воздух доаѓа во период во кој сервисот се шири во нови региони. Во моментов Air Care (Мој Воздух) е проширен во 34 европски држави и во Австралија.

За тимот ова е само уште една потврда дека работата што ја правиме навистина ќе донесе позитивен импакт во светот, и нема да сме класична апликација што се фокусира само на профит, туку и на вистинско решавање на проблемот со загадувањето. Сега сме проширени во 34 земји низ Европа + Австралија, а ова е само почетокот!

Листата на финалисти може да ја погледнете тука.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии